ՀԱՊԿ-ի վերաբերյալ Հայաստանի պաշտոնական դիրքորոշումը հայտնել է վերջերս Մոսկվա այցով ժամանած ՀՀ արտգործնախարար Արարատ Միրզոյանը:

Այս մասին հայտարարել է Ռուսաստանի արտգործնախարարության պաշտոնական ներկայացուցիչ Մարիա Զախարովան իր հերթական ճեպազրույցում, հավելելով՝ Միրզոյանը լիազորված է նման հայտարարություններ անելու:

«Եթե ՀԱՊԿ-ը դուրս է գալիս ՀՀ-ից, հայկական կողմն ինչպե՞ս է «մուտքը» պատկերացնում, տեսնում»,- ասել է ՌԴ ԱԳՆ խոսնակը, հավելելով, որ քաղաքական գործիչները կարող են տարբեր կերպ մեկնաբանել ցանկացած հարց:

Հիշեցնենք՝ օրեր առաջ լրագրողների հետ զրույցում ԱԺ նախագահ Ալեն Սիմոնյանն ասել էր, որ «ՀԱՊԿ-ը դուրս է գալիս տարածաշրջանից արտահայտությունը նշանակում է, որ այն գործողությունները, որ պետք է անի, չի անում ու ցույց է տալիս իր բացակայությունը»: