Ուկրաինայի ԶՈՒ-ի գնդակոծության հետևանքով ավերվել է Կախովկա հիդրոէլեկտրակայանի վերին հատվածը, ջրամբարի ամբարտակը չի տուժել:

Այս մասին հայտնել է Նոր Կախովկայի քաղաքային շրջանի վարչակազմի ղեկավար Վլադիմիր Լեոնտևը՝ ամբարտակի անվնաս մնալը համարելով «մեծ երջանկություն»։

Լեոնտևը նաև հայտնել է, որ ջրամբարում ջրի մակարդակը բարձրացել է 2.5 մետրով, տեղում աշխատում են արտակարգ ծառայությունները:
Ըստ Լեոնտևի՝ հիդրոէլեկտրակայանում հրետակոծության հետևանքով փականներ են քանդվել, իսկ ջուրը սկսել է անկառավարելի հոսել ներքև։ Նրա խոսքով՝ քաղաքը տարհանելու անհրաժեշտություն դեռ չկա։

Նա նշել է, որ ուկրաինական զինուժի կողմից Կախովկայի ՀԷԿ-ի ոչնչացումը կարող է Ղրիմի համար Դնեպրի ջրի մատակարարման հետ կապված խնդիրներ առաջացնել։ 

617