Ով երազում է իմ հրաժարականի մասին, մոռացեք ձեր երազանքը. Զուրաբիշվիլի
Վրաստանի նախագահ Սալոմե Զուրաբիշվիլին հայտարարել է, որ կշարունակի իր այցերը Եվրոպա՝ անկախ ամեն ինչից։
«Վրացական հասարակությունն ընտրեց ինձ, ես հպարտ եմ, որ ձեզ եմ ներկայացնում Եվրոպայի տարբեր մայրաքաղաքներում և կշարունակեմ դա անել ապագայում»,- ասել է Զուրաբիշվիլին և վստահեցրել, որ չի պատրաստվում հրաժարական տալ։
«Ես ոչ մի տեղ չեմ գնալու: Ով երազում է իմ հրաժարականի մասին, մոռացեք ձեր երազանքը»:
Զուրաբիշվիլին վստահեցրել է, որ ինքը մինչև վերջ կպաշտպանի Վրաստանի եվրոպական ընտրությունը և դա համարում է իր հիմնական սահմանադրական պարտականությունը։
Սա նախագահի առաջին հայտարարությունն է այն բանից հետո, երբ իշխող կուսակցությունը սկսեց իմպիչմենտի գործընթացի նախապատրաստումը:
08 Սեպտեմբեր, 2023 15:39
505