Ալիևը և Շոլցը քննարկել են հայ-ադրբեջանական հարաբերությունները
Հուլիսի 18-ին Ադրբեջանի Հանրապետության նախագահ Իլհամ Ալիևը Օքսֆորդում հանդիպել է Գերմանիայի Դաշնային Հանրապետության կանցլեր Օլաֆ Շոլցի հետ։
Գերմանիայի կանցլերը հիշեցրել է, որ աջակցում է Հայաստանի և Ադրբեջանի միջև խաղաղության օրակարգին։ Նշվել է Մյունխենի անվտանգության համաժողովի շրջանակներում Գերմանիայի կանցլերի նախաձեռնությամբ տեղի ունեցած՝ կանցլեր Օլաֆ Շոլցի, վարչապետ Նիկոլ Փաշինյանի և Ադրբեջանի նախագահի համատեղ հանդիպման կարևորությունը։
Ընդգծվել է, որ Գերմանիայի աջակցությամբ կայացել է Ադրբեջանի և Հայաստանի արտգործնախարարների հանդիպումը։
Զրույցի ընթացքում բարձր է գնահատվել Ադրբեջանի ներդրումը Եվրոպայի էներգետիկ անվտանգության գործում։
19 Հուլիս, 2024 15:40
427