Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը չի կորցրել վստահությունը Մայք Ուոլցի նկատմամբ, որին նա նշանակել է ՄԱԿ-ում իր մշտական ներկայացուցչի պաշտոնում, հայտարարել է փոխնախագահ Ջեյ Դի Վենսը։
Ավելի վաղ Թրամփը հայտարարել էր, որ Ուոլցին կառաջադրի ՄԱԿ-ում ԱՄՆ հաջորդ դեսպանի պաշտոնում։
Նրա խոսքով՝ ազգային անվտանգության խորհրդականի պարտականությունները ժամանակավորապես կփոխանցվեն պետքարտուղար Մարկո Ռուբիոյին, որը կպահպանի իր պաշտոնը Պետդեպարտամենտում։
Ուոլցի հետ կատարվածը, ասել է նա, «գործից ազատել չէ»։ Վենսն ասել է, որ Ուոլցին հանձնարարվել էր բարեփոխել Ազգային անվտանգության խորհուրդը, «և նա դա արեց»։
Թրամփը կարծում է, որ Ուոլցը ավելի արդյունավետ կաշխատի որպես ՄԱԿ-ում դեսպան, ասել է փոխնախագահը։ Վենսը նշել է, որ միջադեպը կապ չունի Signal չաթի սկանդալի հետ։