Բաժանորդագրվեք araratnews-ի տելեգրամ ալիքին։
Միացյալ Նահանգների իրավապահ մարմինների աշխատակիցները ձերբակալել են մի կնոջ, որը փորձել է առանց թույլտվության մեքենայով մտնել Վիրջինիա նահանգի Մաքլին քաղաքում գտնվող ԿՀՎ-ի գլխամասային գրասենյակի տարածք, հաղորդում է CNN-ը։
Ամերիկյան լրատվամիջոցների տվյալներով՝ կինը, մոտենալով կենտրոնական դարպասին, չի ենթարկվել անվտանգության աշխատակիցների՝ կանգ առնելու պահանջներին, վերջինները կրակ են բացել և վիրավորել կնոջը:
NBC-ի աղբյուրների փոխանցմամբ՝ մեքենան վարել է 27-ամյա Մոնիա Սպադարոն։ Ներկայումս բժշկական ծառայությունները ստուգում են, թե արդյոք նա ալկոհոլի ազդեցության տակ է եղել։
ԿՀՎ-ն հայտարարել է, որ փակել է Վիրջինիայի իր գրասենյակ տանող գլխավոր դարպասը և կոչ է արել աշխատակիցներին՝ մուտքի և ելքի համար օգտվել այլընտրանքային ճանապարհներից: