Բաժանորդագրվեք araratnews-ի տելեգրամ ալիքին։
Իրանը շարունակում է համագործակցել Ատոմային էներգիայի միջազգային գործակալության (ԱԷՄԳ) հետ և չի բացառում, որ գործակալության տեսուչները կարող են ապագայում վերադառնալ երկիր։
Այս մասին հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին Fox News հեռուստաալիքին տված հարցազրույցում։
«Մենք շարունակում ենք համագործակցել նրանց հետ, մեզ անհրաժեշտ է նոր ընթացակարգ, քանի որ օբյեկտները ոչնչացվել են։ Կախված ընթացակարգից՝ սա (տեսուչների վերադարձը) հնարավոր է», - ասել է Իրանի արտաքին գործերի նախարարության ղեկավարը։
Հուլիսի 12-ին Արաղչին պնդել է, որ Իրանի համագործակցությունը ԱԷՄԳ-ի հետ չի դադարեցվել, այլ կստանա նոր ձև, «ինչը բացարձակապես բնական է՝ հաշվի առնելով «տեղում» ստեղծված իրականությունը և տեղի ունեցած իրադարձությունները»։