Բաժանորդագրվեք araratnews-ի տելեգրամ ալիքին։
Ղազախստանի Մաժլիսն ընդունել է «Ղազախստանի Հանրապետության կառավարության և Հայաստանի Հանրապետության կառավարության միջև քաղաքացիների ճանապարհորդության և մնալու մասին համաձայնագրի վավերացման մասին» օրենքի նախագիծը։
Ըստ այդմ՝ Հայաստանի քաղաքացիները կկարողանան Ղազախստանում մնալ առանց վիզայի մինչև 90 օր։ Ղազախստանի քաղաքացին ևս կարող է մուտք գործել Հայաստան անձը հաստատող փաստաթղթով և մնալ 90 օր առանց վիզայի։
Մաժիլիսում քննարկումից հետո փաստաթուղթն ուղարկվել է Սենատ։
Այս փաստաթուղթը ստորագրվել է Երևանում 2024 թվականի ապրիլի 15-ին։ Դրա հիմնական դրույթը Ղազախստանի և Հայաստանի միջև մինչև 90 օր անվիզա ռեժիմի ներդրումն է։
Սա նշանակում է, որ Ղազախստանի և Հայաստանի քաղաքացիները կկարողանան մուտք գործել, դուրս գալ, տարանցիկ տեղաշարժվել և մնալ մյուս երկրի տարածքում մինչև երեք ամիս առանց վիզայի՝ օգտագործելով համաձայնագրում նշված վավեր փաստաթղթերից մեկը։
Ներքին գործերի նախարար Երժան Սադենովը բացատրել է, որ նոր նորմը, ըստ նախարարի, կբարձրացնի միգրացիայի վերահսկողության արդյունավետությունը։ Տարվա սկզբից ի վեր Ղազախստան է մուտք գործել գրեթե 12 հազար ՀՀ քաղաքացի։