Բաժանորդագրվեք araratnews-ի տելեգրամ ալիքին։
Սիրելի՛ հայրենակիցներ, ԶԼՄ-ների հարգելի՛ ներկայացուցիչներ,
տեղեկացնում եմ, որ ՀՀ աշխատանքի և սոցիալական հարցերի նախարար Արսեն Թորոսյանի առաջարկությամբ նշանակվել եմ Աշխատանքի և սոցիալական հարցերի նախարարի մամուլի քարտուղարի պաշտոնում։
Այս նշանակումը մեծ պատասխանատվություն է և վստահություն, որի համար խորապես շնորհակալ եմ։ Քաջ գիտակցում եմ, որ նախարարության գործունեության արդյունավետության, թափանցիկության և հանրության հետ կառուցողական երկխոսության ապահովման հարցում հանրային հաղորդակցությունը բացառիկ կարևորություն ունի։
Վստահ եմ, որ նախարարության թիմի հետ համատեղ աշխատանքով և հետևողական քայլերով կկարողանանք ապահովել մեր հասարակությանն անհրաժեշտ տեղեկատվական միջավայրը և նպաստել աշխատանքի և սոցիալական հարցերի ոլորտում ՀՀ կառավարության որդեգրած քաղաքականությունների նկատմամբ հանրային վստահության ամրապնդմանը։