Բաժանորդագրվեք araratnews-ի  տելեգրամ ալիքին։

Եվրոպայում տապի ալիքը կշարունակվի նաև առաջիկա երկու օրերին: Մի շարք երկրներում գրանցվել է ռեկորդային բարձր ջերմաստիճան:

Ֆրանսիայում շոգի հետ կապված մահվան դեպքերն աճել են: 55 մարդ ջրահեղձ է եղել չվերահսկվող ջրային տարածքներում լողալու պատճառով: 4 երեխա մահացել է շոգ մեքենաներում: Երկրի 37 դեպարտամենտում շարունակում է գործել եղանակային վտանգի կարմիր մակարդակը: Սահմանափակվել է ալկոհոլի վաճառքը, մի շարք միջոցառումներ չեղարկվել են:

Իսպանիայում գրանցվել է գրեթե 330 մահվան դեպք, որոնք կապված են շոգի հետ: Գերմանիայի Զաարբրյուքեն քաղաքում ջերմաստիճանը հասել է 41,3-ի, ինչը երկրում երբևէ գրանցված ամենաբարձր ջերմաստիճանն է:

Տապի ալիքը տարածվել է նաև Բելգիայում, Նիդերլանդներում, Չեխիայում, Ավստրիայում, բալկանյան երկրներում:

Ըստ Կոպեռնիկոսի կլիմայի փոփոխության ծառայության՝ Եվրոպան ամենաարագ տաքացող մայրցամաքն է, որտեղ ջերմաստիճանի բարձրացումը կրկնակի արագ է ընթանում համաշխարհային միջին ցուցանիշների համեմատ: