ՀՀ Ազգային ժողովի «Պատիվ ունեմ» խմբակցության պատգամավոր Իշխան Զաքարյանն այսօր ԱԺ-ում մեկնաբանել է «Պատիվ ունեմ» խմբակցությունից դուրս գալու իր մտադրության մասին լուրերը։

Լրագրողների հարցերին, թե արդյոք դուրս է գալիս խմբակցությունից, նա կոնկրետ չի պատասխանել՝ նշելով, որ շտապում է ու հավելել է. «Ես ոչ հերքում եմ, ոչ հաստատում: Ասում եմ՝ երկուշաբթի կխոսենք»:

Անդրադառնալով դիտարկմանը, թե ինքը ընդդիմադիր պատգամավոր է, նշել է. «Էլի եմ մնալու ընդդիմադիր, երբեք չկասկածեք, որ ընդդիմադիր եմ լինելու»:

Հարցին՝ անգամ խմբակցությունից դուրս գալուց հետո՞ էլ, նա դրական պատասխան է տվել:

1000