Գերմանիայում հետաքննվում է կեղծ պատվաստումների անձնագրեր վաճառելու և գնելու կասկածանքով 11 հազար գործ։ Այս մասին կիրակի հայտնել է Die Tageszeitung թերթը՝ վկայակոչելով տարածաշրջանային քրեական վարչությունների տվյալները։
Քննչական միջոցառումների մեծ մասն իրականացվում է Բավարիայում՝ գրեթե 3 հազար, Հյուսիսային Ռեյն-Վեստֆալիայում՝ 2,4 հազար և Բեռլինում՝ 1 հազար։ Միևնույն ժամանակ, ըստ երևույթին, դեպքերի զգալի մասն ընդհանրապես չի հայտնաբերվում, նշվում է հոդվածում։ .
Դեկտեմբերի 24-ի դրությամբ Գերմանիայում բնակչության 73%-ը ստացել է պատվաստանյութի առնվազն առաջին չափաբաժինը, որը կազմում է մոտ 60 միլիոն մարդ։ 70,7%-ը լիովին պատվաստված է, այսինքն՝ մոտ 58 մլն մարդ։
2022 թվականին Գերմանիան նախատեսում է պարտադիր դարձնել Covid-ի դեմ պատվաստանյութը։
Գերմանիայում վերջին շաբաթներին կորոնավիրուսի նոր դեպքերի թիվը նվազում է, բայց դեռևս բարձր է մնում՝ համեմատած ամառային և աշնանային ցուցանիշների հետ։ Շաբաթ օրը հայտնաբերվել է 22 հազար դեպք։ Փորձագետները մտավախություն ունեն, որ վիճակագրությունը կարող է աճել, քանի որ օմիկրոն շտամը տարածվում է: