Բարձրագույն դատական խորհուրդը Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավորի թափուր տեղի համար առաջադրել էր Արմեն Դանիելյանի, Ելիզավետա Դանիելյանի և Արսեն Նիկողոսյանի թեկնածությունը: Ազգային ժողովի քվեարկությանը մասնակցել է 107 պատգամավոր, և Ելիզավետա Դանիելյանը ստացել է  67 կողմ ձայն,  Արմեն Դանիելյանը և  Արսեն Նիկողոսյանը՝  0 կողմ ձայն:

Բարձրագույն դատական խորհուրդը Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավորի թափուր տեղի համար առաջադրել էր  Կարեն Աղաջանյանի, Լիզա Գրիգորյանի և Կարեն Թումանյանի թեկնածությունը: 67 կողմ ձայնով ընտրվել է Լիզա Գրիգորյանը: