Համաշխարհային օվկիանոսի մակերևույթի միջին ջերմաստիճանը 2023 թվականի ընթացքում անսովոր բարձր է մնացել՝ գերազանցելով ռեկորդները ապրիլից դեկտեմբեր ընկած ժամանակահատվածում, հայտնում է Copernicus մոնիտորինգի եվրոպական ծառայությունը:
Փոխանցում է «ՌԻԱ Նովոստին»։
«Կարևոր գործոն, որը պայմանավորեց օդի անսովոր ջերմաստիճանը 2023 թվականի ընթացքում, օվկիանոսի մակերևույթի աննախադեպ բարձր ջերմաստիճանն էր։
Ծովի մակերևույթի գլոբալ միջին ջերմաստիճանը ապրիլից դեկտեմբեր ընկած ժամանակահատվածում ամենաբարձրն է եղել տարվա այս եղանակի համար»,- ասվում է ծառայության կայքում տեղադրված հաղորդագրության մեջ:
Ըստ ՄԱԿ-ի Համաշխարհային օդերևութաբանական կազմակերպության (WMO) գլոբալ ջերմաստիճանը կարող է հասնել ռեկորդային առավելագույնի առաջիկա հինգ տարում:
Այս երևույթը կազդի ոչ միայն մոլորակի միջին ջերմաստիճանի, այլեւ տեղումների օրինաչափության վրա։