Հայաստանի պաշտպանության նախարարի խորհրդական Ռազմիկ Պետրոսյանը ֆեյսբուքյան իր էջում լուսանկար է հրապարակել, գրելով․
«Հարգելի՛ հայրենակիցներ,
Այսօր նշում ենք Երեխաների պաշտպանության միջազգային օրը՝ հիշեցում այն մեծ պարտավորությունների մասին, որոնք ունենք մեր մանուկների նկատմամբ: Երեխաները մեր ապագայի հիմնասյունն են, և նրանց պաշտպանությունը, կրթությունը և առողջ զարգացումը մեր առաջնահերթություններից պետք է լինեն:
Մեր պարտքն է ապահովել, որ յուրաքանչյուր երեխա ունենա ապահով և երջանիկ մանկություն: Դա նշանակում է նրանց պաշտպանել ցանկացած վտանգից ու բռնությունից, ապահովել որակյալ կրթություն և առողջապահական ծառայություններ, ինչպես նաև ստեղծել հոգատար և աջակցող միջավայր:
Այսօր ևս մեկ անգամ հաստատենք մեր հանձնառությունը երեխաների իրավունքների պաշտպանության և բարեկեցության ապահովման հարցում: Մենք պետք է շարունակենք պայքարել երեխաների իրավունքների պաշտպանության համար, ստեղծել հնարավորություններ նրանց համար, որպեսզի նրանք կարողանան իրացնել իրենց ներուժը և դառնան առողջ ու երջանիկ քաղաքացիներ:
Սիրելի՛ երեխաներ, դուք մեր մեծագույն հարստությունն եք: Ձեր ժպիտներն ու երազանքները մեզ ոգեշնչում են: Թող ձեր մանկությունը լինի լի սիրով, երջանկությամբ և անհոգությամբ:
Շնորհավոր Երեխաների պաշտպանության միջազգային օրը:
Հարգանքներով Ռազմիկ Պետրոսյան»:
