Բաժանորդագրվեք araratnews-ի տելեգրամ ալիքին։
«Reuters» գործակալությունը, հղում անելով ամերիկացի պաշտոնյաների, գրել է. «Երբ ԱՄՆ նախագահ Դոնալդ Թրամփն ուրբաթ օրը Սպիտակ տանը ողջունի Հայաստանի և Ադրբեջանի առաջնորդներին, հանդիպումը կավարտվի խաղաղության շրջանակի ստորագրմամբ: Ըստ պաշտոնյաների՝ ուրբաթ օրը ղեկավարների կողմից ստորագրվելիք փաստաթղթերի ուշադիր բանակցված բաժնի համաձայն՝ Հայաստանը նախատեսում է Միացյալ Նահանգներին տրամադրել բացառիկ հատուկ զարգացման իրավունքներ՝ երկար ժամանակահատվածով տարանցիկ միջանցքի վրա, որը կկոչվի «Միջազգային խաղաղության և բարգավաճման Թրամփի երթուղի» և հայտնի է TRIPP հապավումով:
Պաշտոնյաները նշել են նաև, որ երթուղին կշահագործվի Հայաստանի օրենսդրության համաձայն, և Միացյալ Նահանգները հողը ենթավարձակալության կհանձնի կոնսորցիումին՝ ենթակառուցվածքների և կառավարման համար»: Պաշտոնյաներից մեկը նշել է, որ առևտրային միջոցներով այս քայլը կբացի տարածաշրջանը և կկանխի հետագա ռազմական գործողությունները»։