Բաժանորդագրվեք araratnews-ի  տելեգրամ ալիքին։

Պակիստանում Հնդկաստանի օդային հարվածների հետևանքով զոհվել է առնվազն 70 մարդ․ այս մասին, Araratnews.am-ի փոխանցմամբ, հայտնում է հնդկական NDTV հեռուստաալիքը՝ հղում անելով կառավարական աղբյուրներին։

«Յոթանասուն ահաբեկիչ սպանվեց, երբ Հնդկաստանը 24 հրթիռային հարված հասցրեց ինը վայրերի վրա», - ասվում է զեկույցում։

Երեկ երեկոյան Հնդկաստանի պաշտպանության նախարարությունը հայտարարել էր, որ սկսել է «Սինդուր» գործողությունը՝ ի պատասխան Փահալգամի հարձակման։ Նյու Դելին պարզաբանել է, որ զինվորականները հարվածներ են հասցրել Պակիստանի տարածքում գտնվող ահաբեկչական ենթակառուցվածքներին՝ հարվածելով ինը թիրախների, չնայած դրանցից ոչ մեկը չի ներառել հարևան երկրի ռազմական օբյեկտներ։