Բաժանորդագրվեք araratnews-ի տելեգրամ ալիքին։
ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը հունիսի 13-ին հանդիպել է Լատվիայի Սաեյմայի Լատվիա-Հայաստան բարեկամական խմբի ղեկավար Գունարս Կուտրիսի գլխավորած պատվիրակությանը: Հանդիպմանը ներկա են եղել նաև հանձնաժողովի անդամներ Սոնա Ղազարյանը և Տաթևիկ Գասպարյանը:
Քննարկվել են երկկողմ համագործակցության օրակարգին վերաբերող հարցեր: Զրուցակիցները կարևորել են հայ-լատվիական բարեկամական հարաբերությունների հետագա զարգացումն ու խորացումը, փոխայցերի ակտիվացումը:
Ընդգծվել է միջխորհրդարանական համագործակցության առանցքային դերակատարությունը երկկողմ հարաբերությունների ամրապնդման գործում: Կողմերն անդրադարձել են ՀՀ-ԵՄ գործընկերության խորացման հեռանկարներին՝ ընդգծելով այս ուղղությամբ Լատվիայի օժանդակության կարևորությունը:
Հայ պատգամավորները ներկայացրել են եվրաինտեգրման ճանապարհին մեր երկրի կողմից իրականացվող քայլերը: