Բաժանորդագրվեք araratnews-ի տելեգրամ ալիքին։
CNN Brasil-ը հաղորդում է բրազիլական «Կլոն» կուլտային սերիալի դերասան Ֆրանցիսկո Կուոկոյի մահվան մասին, որը հայտնի էր քահանայի և բժիշկ Ալիբիերիի ընկերոջ դերերով: Սերիալների աստղը 91 տարեկան էր:
Կուոկոյի մահը հաստատել է Ջովաննա Անտոնելլին, ով հեռուստասերիալում մարմնավորում էր Ջեյդի դերը: Սոցցանցում նա հրապարակել է իր գործընկերոջ սև-սպիտակ լուսանկարը՝ հուզիչ մակագրությամբ. «Ֆրանսիսկո Կուոկոյի մահվան հետ հեռուստատեսությունը կորցրել է իր պատմության մի գեղեցիկ մասը: Մարդ, ով իր տաղանդն ու էլեգանտությունը փոխանցել է բազմաթիվ սերունդների: Նա շատ բան ասելու կարիք չուներ. կարող էր արտահայտել իր բոլոր զգացմունքները ընդամենը մեկ հայացքով: Նա հերոսների սիրահար էր, դրամատիկ դերասան, կատակերգու... Նա հզոր էր: Եվ այսպես նա միշտ կհիշվի՝ որպես մեծագույններից մեկը»:
