Բաժանորդագրվեք araratnews-ի տելեգրամ ալիքին։
Ռուսաստանի, Ադրբեջանի, Հայաստանի և Թուրքիայի միջև երկաթուղային ցանցի ընդլայնումը զգալի դրական ազդեցություն կունենա տարածաշրջանային առևտրի վրա՝ ամրապնդելով Հարավային Կովկասի բոլոր երկրների համագործակցությունն ու տնտեսական կապերը: Այդ մասին հայտարարել է Թուրքիայի նախագահ Ռեջեփ Էրդողանը Կարս–Իգդիր–Արալըք–Դիլուջու երկաթուղային գծի շինարարության մեկնարկի արարողության իր ուղերձում:
Նրա խոսքով՝ երկաթգիծը նոր տրանսպորտային կապ կապահովի Թուրքիայի և Ադրբեջանի միջև, կամուրջ կդառնա Թուրքիայի, Նախիջևանի և Ադրբեջանի միջև, ինչպես նաև կմիացնի Կասպից և Միջերկրական ծովերի ավազանները:
Էրդողանն ընդգծել է, որ նախագիծը կավելացնի նաև արտադրությունն ու արտահանումը Թուրքիայի արևելյան շրջաններում, կբարելավի տրանսպորտային ենթակառուցվածքը, կամրապնդի տարածաշրջանի զբոսաշրջային ներուժը և դրական ազդեցություն կունենա տարածաշրջանային առևտրի վրա: