Բաժանորդագրվեք araratnews-ի տելեգրամ ալիքին։
Թուրքիայի նախագահ Ռեջեփ Թայիփ Էրդողանը Ստամբուլում բանակցություններ է վարել Հայաստանի վարչապետ Նիկոլ Փաշինյանի հետ։ Հանդիպումը տևել է շուրջ մեկ ժամ։
Ըստ Թուրքիայի ղեկավարի գրասենյակի հայտարարության՝ Էրդողանը ՀՀ վարչապետ Նիկոլ Փաշինյանի հետ հանդիպման ժամանակ հայտարարել է, որ Թուրքիան կօգտագործի բոլոր դիվանագիտական միջոցները՝ ոչ միայն Կովկասում, այլև ամբողջ տարածաշրջանում կայունություն հաստատելու համար։
Ըստ Թուրքիայի նախագահի աշխատակազմի հաղորդակցության վարչության սոցիալական ցանցում հրապարակված հայտարարության՝ հանդիպման ընթացքում կողմերը քննարկել են Թուրքիայի և Հայաստանի միջև հարաբերությունների մակարդակը, Հարավային Կովկասում խաղաղության և երկխոսության գործընթացը և տարածաշրջանին վերաբերող արդիական իրադարձությունները։
Հանդիպման ընթացքում նախագահ Էրդողանը ուշադրություն է հրավիրել Ադրբեջանի և Հայաստանի միջև խաղաղության բանակցություններում ձեռք բերված համաձայնության կարևորության վրա։ Նա շեշտել է, որ Թուրքիան կշարունակի ամեն հնարավոր աջակցություն ցուցաբերել տարածաշրջանի զարգացման ջանքերին՝ առաջնորդվելով «բոլորի օգտին» սկզբունքով։
Բանակցությունների ընթացքում քննարկվել են նաև Թուրքիայի և Հայաստանի միջև հարաբերությունների կարգավորման գործընթացի շրջանակներում ձեռնարկվելիք հնարավոր քայլերը։
Էրդողանը շեշտել է, որ Թուրքիան օգտագործում է բոլոր դիվանագիտական միջոցները՝ ոչ միայն Կովկասում, այլև ամբողջ տարածաշրջանում կայունություն հաստատելու համար։ Անկարան շարունակում է շփումները երկրների ղեկավարների հետ՝ տարածաշրջանում բռնության պարույրի առաջացրած ռիսկերը վերացնելու համար, որն սկսվել է Իսրայելի կողմից Իրանի վրա հարձակումից։