Բաժանորդագրվեք araratnews-ի տելեգրամ ալիքին։
Թեհրանը կարող է հարվածել Պարսից ծոցում գտնվող ամերիկյան ռազմաբազաներին և նավերին ու փակել Հորմուզի նեղուցը, եթե Իսրայելը խախտի հրադադարը։ Այս կարծիքը, Araratnews.am-ի փոխանցմամբ, արտահայտվում է The New York Times (NYT) հոդվածում։
Թերթի տվյալներով՝ Թեհրանը համաձայնել է հրադադար հաստատել հրեական պետության հետ «միայն այն պատճառով, որ վստահ էր, որ կպահպանի իր դիրքերը»՝ ԱՄՆ-ի և Իսրայելի կողմից հնարավոր նոր հարվածների դեպքում։
Չնայած նոր հարձակումների սպառնալիքներին՝ Իսլամական Հանրապետությունը չի փոխի իր արտաքին քաղաքականությունը, կարծում է թերթը։ Ըստ հոդվածի՝ Իրանի իշխանությունները եկել են այն եզրակացության, որ «կարող են դիմանալ պատերազմական ժամանակաշրջանի տնտեսական դժվարություններին, և որ բնակչությունը կհամախմբվի դրոշի շուրջ և իր զայրույթը կուղղի օտարերկրյա ագրեսորների դեմ»։