Բաժանորդագրվեք araratnews-ի տելեգրամ ալիքին։
Իրանի «Բասիջ» լրատվական կազմակերպությունը հայտնել է, որ Իսրայելի կողմից Իսլամական Հանրապետության տարածքին հասցված հարվածների հետևանքով զոհվել է առնվազն 12 իրանցի լրատվական աշխատող։
«Սիոնիստական ռեժիմի կողմից ռազմական հարձակման հետևանքով զոհված մեդիա աշխատողների ևս երկու մարմին նույնականացվել է, սպանված լրագրողների ընդհանուր թիվը հասել է 12-ի։ Մեր կազմակերպությունը կոչ է անում միջազգային մարմիններին պատասխանատվության ենթարկել մարդասպաններին»,- հայտարարության տեքստը մեջբերում է IRNA գործակալությունը՝ Araratnews.am-ի փոխանցմամբ։
Ավելի վաղ Իրանի իշխանությունները հայտնել էին 9 զոհված և 10 վիրավոր մեդիա աշխատողների մասին։ Զոհերի մեծ մասը կապված է Թեհրանում Իրանի պետական հեռուստառադիոընկերության և «Բայան» մեդիա հոլդինգի շենքերին հասցված Իսրայելի հարվածների հետ։