Բաժանորդագրվեք araratnews-ի տելեգրամ ալիքին։
Հունաստանի մայրաքաղաք Աթենքի Կոլոնոս շրջանի սրճարաններից մեկում կիրակի օրը տեղի ունեցած հրաձգության հետևանքով երկու մարդ է վիրավորվել, հայտնում է Kathimerini-ն։
Նրանցից մեկը Թուրքիայի քաղաքացի է, իսկ երկրորդը, ինչպես հաղորդվում է, ոստիկան է, որը նաև սրճարանի սեփականատիրոջ ամուսինն է։
Երկու տղամարդիկ էլ վիրավորվել են ոտքերից և տեղափոխվել հիվանդանոց։
Ըստ ականատեսների, թուրքը սրճարանից դուրս է եկել ինչ-որ մեկի հետ խոսելու, սակայն հանկարծակի վազել է ներս, կարծես նրան հետապնդում էին։
Մի քանի րոպե անց սրճարան է մտել մեկ այլ տղամարդ, կրակել նրա ոտքերին և դեպքի վայրից ոտքով հեռացել։
Կասկածյալը, որը, ենթադրաբար, նույնպես Թուրքիայի քաղաքացի է, ներկայումս հետախուզվում է ոստիկանության կողմից։
Միջադեպի հետաքննությունը շարունակվում է։