Բաժանորդագրվեք araratnews-ի տելեգրամ ալիքին։
Չինական «Sohu» հրատարակությունը հաղորդել է Ռուսաստանի նախագահ Վլադիմիր Պուտինի անսպասելի նվերի մասին՝ Տյանցզինում Շանհայի համագործակցության կազմակերպության գագաթնաժողովի և Պեկինում կայանալիք ռազմական շքերթին մասնակցելու համար Չինաստան կատարած նրա բազմօրյա այցի նախօրեին։
Հրատարակության տվյալներով՝ խոսքը նախագահի կողմից Չինաստանին ռուսական ինքնաթիռների շարժիչներ մատակարարելու համաձայնության մասին է։
Հոդվածում նշվում է, որ Ռուսաստանի նախագահի երկարատև այցը Չինաստան ոչ միայն ցույց է տալիս «ռուս-չինական հարաբերությունների սերտությունը», այլև ուշադրություն է գրավում «հատուկ նվերով»։
Ռուսական ինքնաթիռների շարժիչների առաջարկը նախորդ օրը հնչեցրել էր «Ռոստեխ»-ի գլխավոր տնօրեն Սերգեյ Չեմեզովը, որը պատրաստակամություն էր հայտնել Չինաստանին մատակարարել PD-14, PD-8 և խոստումնալից PD-35 շարժիչներ՝ «Պեկինի խնդրանքի դեպքում»։
«Sohu»-ը ենթադրում է, որ նման առաջարկը հատկապես արժեքավոր է չինական COMAC C919 ինքնաթիռի կառուցման ծրագրի համար, որը սահմանափակումների է բախվել Միացյալ Նահանգներից անհրաժեշտ տեխնոլոգիաների մատակարարման հարցում։