Բաժանորդագրվեք araratnews-ի տելեգրամ ալիքին։
Թուրքիայի արտաքին գործերի նախարար Հաքան Ֆիդանը հայտարարել է Իսրայելի հետ առևտրատնտեսական հարաբերությունների լիակատար խզման և Թուրքիայի օդային տարածքը իսրայելական ինքնաթիռների համար փակելու մասին, հաղորդում է The Jerusalem Post-ը` Araratnews.am-ի փոխանցմամբ։
Հրապարակման համաձայն, չնայած այս քայլի հետևանքները դեռևս չեն գնահատվել, Թուրքիայի տարածքով թռիչքների սահմանափակումը կարող է Իսրայելից դեպի Վրաստան և Ադրբեջան երթուղիների տևողությունը մեծացնել գրեթե երկու ժամով։
Հրապարակմանը տված մեկնաբանության մեջ իսրայելցի պաշտոնյաներից մեկը նշել է, որ Անկարան նախկինում նմանատիպ հայտարարություններ էր արել, բայց երկրների միջև տնտեսական կապերը շարունակվում էին։
The Jerusalem Post-ը նաև հիշեցնում է, որ Թուրքիայի որոշումը կայացվել է երկրի նավահանգստային իշխանությունների կողմից նոր ոչ պաշտոնական պահանջների մասին հաղորդագրությունների ֆոնին։