Բաժանորդագրվեք araratnews-ի տելեգրամ ալիքին։
ԵՄ-ն ջերմորեն ողջունում է այս գործնական զարգացումները և պատրաստ է աջակցել բոլոր նմանատիպ նախաձեռնություններին և վստահության ամրապնդման լրացուցիչ միջոցառումներին։
Այս մասին X-ում գրել է Հարավային Կովկասում ԵՄ հատուկ ներկայացուցիչ Մագդալենա Գրոնոն՝ խրախուսելով Ժնևում Ադրբեջանի և Հայաստանի խոսնակների հանդիպումը, ինչպես նաև Երևանում Հայաստանի և Ադրբեջանի քաղաքացիական հասարակության ներկայացուցիչների կլոր սեղանի շուրջ նախատեսված քննարկումները։
Նա նաև նշել է, որ ԵՄ-ն ողջունում է Ադրբեջանի և Հայաստանի միջև խաղաղության գործընթացում վերջին դրական քայլերը, այդ թվում՝ Ադրբեջանի կողմից Հայաստան բեռների տարանցման բոլոր սահմանափակումների վերացումը։
«Մենք նույնպես ողջունում ենք Շիրակ-Կարս երկաթուղու վերականգնման և վերաբացման վերաբերյալ Հայաստանի և Թուրքիայի միջև նոր հանդիպման հայտարարված նախապատրաստական աշխատանքները», - հավելել է ԵՄ ներկայացուցիչը։