Բաժանորդագրվեք araratnews-ի տելեգրամ ալիքին։
Ներկա պահին Լեռնային Ղարաբաղից բռնի տեղահանված 34 576 անձ ստացել է Հայաստանի քաղաքացիություն։ Այս մասին հայտնել է ներքին գործերի նախարար Արփինե Սարգսյանը մարտի 20-ին աշխատանքի եւ սոցիալական հարցերի խորհրդարանական մշտական հանձնաժողովի նիստում, ՀՀ կառավարության 2025թ․ (2021–2026) ծրագրի իրականացման ընթացքի եւ արդյունքների մասին զեկույցի ներկայացման ժամանակ։
Նախարարը նշել է, որ մերժումներ չեն եղել։
Միևնույն ժամանակ, Լեռնային Ղարաբաղից տեղահանված անչափահասների թիվը կազմում է 28 հազար։ Նրանցից 12 հազարն արդեն ստացել է Հայաստանի քաղաքացիություն։
Քաղաքացիության դիմումների ընդհանուր թվի վերաբերյալ Սարգսյանը նշել է, որ չնայած նախարարությունը 2025թ․ առաջին կեսին ստացել է մոտ 4 000 դիմում, 2026թ․ առաջին երկուսուկես ամիսների տվյալների համաձայն՝ այդ թիվն արդեն հասել է 5 000-ի։