Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը հայտարարել է, որ Սաուդյան Արաբիայի հետ քաղաքացիական օգտագործման համար միջուկային համագործակցության համաձայնագիրը կհաստատվի միայն այն դեպքում, եթե Ռիադը միանա Աբրահամի համաձայնագրերին։
Դոնալդ Թրամփը այս մասին գրել է «TruthSocial» սոցիալական մեդիա հարթակում։
«ԱՄՆ Էներգետիկայի նախարարության և Սաուդյան Արաբիայի միջև միջուկային համաձայնագիրը, որը նախատեսում է քաղաքացիական, ոչ ռազմական օգտագործում (առանց հարստացման), ինչպես Իրանի, ԱՄԷ-ի և այլ երկրների դեպքում, կհաստատվի։ Սակայն սա ամբողջությամբ կախված է Սաուդյան Արաբիայի՝ բարձր հարգանքի արժանացած և հաջողակ Աբրահամի համաձայնագրերին միանալուց հետո»,- ընդգծել է Թրամփը։
ԱՄՆ նախագահը հավելել է, որ Վաշինգտոնը դեմ չէ հարստացում չառաջացնող քաղաքացիական միջուկային օբյեկտների ստեղծմանը։