Երգիչ Յուրի Շատունովը պատմել է «Լասկովի մայ» խմբի նախկին անդամ Միխայիլ Սուխոմլինովի սպանության մասին:

«Առավոտ էր։ Ես արթնացա, ստեղնաշարը միացրի, դրեցի ականջակալները։ Միշկան հավաքվեց, նախաճաշեց, ցած իջավ։ Երկու կրակոց։ Ես նայեցի պատուհանից, մեքենա էր  հեռանում», - ասել է նա «Россия 1» հեռուստաալիքի եթերում։

Դրանից հետո երաժիշտը դուրս է եկել բակ եւ տեսել Սուխոմլինովին՝ պարանոցին որսորդական հրացանից արձակված կրակոցի հետքերով։ Շատունովի խոսքով՝ ընկերոջ պարանոցը «նման էր մաղի»։

Նա հավելել է, որ երաժիշտը մահացել է իր ձեռքերում։

Սուխոմլինովին սպանել են 1993 թվականի աշնանը՝ Շատունովի տան մոտ, 18 տարեկանում։ Այդ պահին նա արդեն լքել էր կոլեկտիվը, սակայն լավ հարաբերությունների մեջ է եղել վոկալիստի հետ։

 

Աղբյուրը՝ Gazeta.ru/ style.news.am

558