Արևաբույր համայնքում մանկապարտեզ է բացվել
Արարատի մարզի Արևաբույր համայնքում մանկապարտեզ է բացվել: Երկար տարիներ նախակրթարան ունենալը համայնքի բնակիչների համար երազանք է եղել:
Կրթoջախի բացման արարողությանը ներկա է եղել նաև Արարատի մարզպետ Ռազմիկ Թևոնյանը: Վերջինս համայնքի ղեկավարի հետ շրջել է նորաբաց մանկապարտեզի շենքում, ծանոթացել պայմաններին:
Մանկապարտեզն ամբողջովին կահավորված է, ապահովված անհրաժեշտ գույքով: Մանկապարտեզ կայցելի համայնքից 34 երեխա: Նախքան այս, փոքրիկները հաճախել են հարակից համայնքների մանկապարտեզներ:
Ծրագրի իրականացման համար մարզպետարանը հատկացրել է շուրջ 4 միլիոն դրամ:
08 Սեպտեմբեր, 2021 14:48
500