Ուկրաինայի արտաքին գործերի գերատեսչությունը հրավիրել է  Կիևում Հունգարիայի դեսպանին՝ Բուդապեշտի և «Գազպրոմի» միջև գազի պայմանագրի վերաբերյալ դիրքորոշումը փոխանցելու համար։

Ավելի վաղ «Bloomberg»-ը հայտնել էր, որ Ուկրաինայի դեսպանը կանչվել է Հունգարիայի ԱԳՆ՝ ռուսական «Գազպրոմ» ընկերության հետ Բուդապեշտի պայմանագրի վերաբերյալ Կիևի դիրքորոշման պատճառով:

Ուկրաինայի ԱԳՆ մամուլի խոսնակ Օլեգ Նիկոլենկոյի խոսքով`  Ուկրաինան շրջանցող գազի փոխադրումը խաթարում է պետության ազգային անվտանգությունը և Եվրոպայի էներգետիկ անվտանգությունը, բացի այդ՝ Հունգարիայի և «Գազպրոմի» նոր համաձայնագիրը լուրջ հարված է ուկրաինա-հունգարական հարաբերություններին:

«Ուկրաինական կողմը վճռական միջոցներ կձեռնարկի ազգային շահերը պաշտպանելու համար»,- հավելել է Նիկոլենկոն:

86