ԱՄՆ նախագահ Ջո Բայդենի վարկանիշը շարունակում է նվազել։ Այս անգամ այն հասել է նրա պաշտոնավարման ընթացքում ամենացածր մակարդակին: Այդ են վկայում Քվինիպի համալսարանի հոկտեմբերի 6-ին ներկայացված հարցման տվյալները:

Հետազոտության արդյունքների համաձայն՝ ամերիկացիների 53%-ը բացասական է գնահատում Բայդենի աշխատանքը և միայն 38%-ը՝ դրական: Երեք շաբաթ առաջ նույն համալսարանի անցկացրած հարցման ժամանակ Բայդենին դրական էին գնահատել հարցվածների 42%-ը, իսկ 50%-ը՝ բացասական: 

Իհարկե, հարցման արդյունքների վրա ազդել է հարցվածների կուսակցական պատկանելությունը, սակայն այն հատվածը, որն իրեն չի համարում որևէ քաղաքական խմբակցության անդամ, ևս բացասական է գնահատել Բայդենի գործունեությունը։ Նրանց 60%-ը բացասական են գնահատել ԱՄՆ նախագահին։

118