Բաժանորդագրվեք araratnews-ի տելեգրամ ալիքին։
Եվրամիության երկրները համաձայնության չեն եկել Կանադային միության ասոցացված անդամի կարգավիճակ տրամադրելու հարցում։ Այս մասին հայտնել է Politico պարբերականը՝ հղում անելով եվրոպացի չորս պաշտոնյայի և դիվանագետի։
Պարբերականի փոխանցմամբ՝ տարաձայնությունները, որոնք պահպանվել են նույնիսկ երկուշաբթի օրը ԵՄ երկրների դեսպանների բանակցություններից հետո, ի ցույց են դնում Բրյուսելի և անդամ պետությունների մայրաքաղաքների միջև առկա լարվածությունը։
Աղբյուրները Politico-ին հաստատել են, որ ԵՄ-Կանադա գագաթնաժողովի արդյունքներով նախատեսվող համատեղ հայտարարության նախագծում կարող է ներառվել ավելի լայն ձևակերպում։ Այն թույլ կտա միության անդամներին հեռավորություն պահպանել հենց «Եվրամիության ասոցացված անդամ» եզրույթից՝ միևնույն ժամանակ այն ամբողջությամբ չբացառելով։
Պարբերականը նաև նշել է, որ Կանադան կարող է չստանալ ԵՄ ասոցացված անդամի կարգավիճակ՝ ԱՄՆ նախագահ Դոնալդ Թրամփի հնարավոր բացասական արձագանքի պատճառով, որը կարող է առաջանալ Եվրամիության և Կանադայի միջև մերձեցման հետևանքով։