Ռուսաստանի ԱԳՆ պաշտոնական ներկայացուցիչ Մարիա Զախարովան նշել է, որ Փարիզն ու Բեռլինը, որոնք հանդես են գալիս նորմանդական ձևաչափով հանդիպումներ անցկացնելու օգտին, այլևս չեն կարող ձևացնել, թե չեն նկատում Կիևի ռեժիմի վարքագիծը:

Դոնբասի հակամարտության գոտում անօդաչու սարքերն իրավունք ունեն օգտագործել միայն ԵԱՀԿ դիտորդները։ Տեղեկությունը հայտնել է Ռուսաստանի ԱԳՆ պաշտոնական ներկայացուցիչ Մարիա Զախարովան իր Telegram-ալիքում՝ մեկնաբանելով Դոնբասում հերթական միջադեպը։

ԵԱՀԿ-ի առաքելությունն իր նոյեմբերի 6-ի հաշվետվության մեջ նշել է, որ կազմակերպության հատուկ մոնիթորինգային առաքելության պարեկային ծառայությունը հայտնվել է Դոնբասի՝ Կիևի կողմից վերահսկվող Բոլոտնոյե բնակավայրի ծայրամասում անօդաչու թռչող սարքի (ԱԹՍ) հարձակման գոտում։
 

«ԵԱՀԿ դիտորդները հայտնվել են Ուկրաինայի ԶՈւ անօդաչու սարքի հարձակման գոտում։ Առաքելության հաղորդագրության մեջ նշվում է, որ պայթյունը տեղի է ունեցել պարեկության վայրից 20-30 մետր հեռավորության վրա», - նշել է Զախարովան։

 

Ռուսաստանի ԱԳՆ պաշտոնական ներկայացուցիչը նշել է, որ Կիևը դրանով խախտում է Մինսկի պայմանավորվածությունները:

«Փարիզն ու Բեռլինը, որոնք հանդես են գալիս նորմանդական ձևաչափով հանդիպումներ անցկացնելու օգտին, այլևս չեն կարող ձևացնել, թե չեն նկատում Կիևի ռեժիմի սանձարձակ վարքագիծը, որը վերացնում է ավելի վաղ ձեռք բերված պայմանավորվածությունները, իսկ գլխավորը՝ Ուկրաինայի քաղաքացիների խաղաղ կյանքի հույսը», – ավելացրել է Զախարովան:

Հիշեցնենք, որ հոկտեմբերի 26-ին Ուկրաինայի Զինված ուժերի գլխավոր շտաբը հաստատել էր Դոնբասում թուրքական Bayraktar հարվածային անօդաչու սարքի առաջին մարտական կիրառումը:

 

Աղբյուր՝ armeniasputnik.am

207