Տաջիկստանի նախագահ Էմոմալի Ռահմոնը հայտարարել է, որ ավելի քան 6 հազար զինյալ կա ՀԱՊԿ-ի հարավային սահմանների մոտ՝ Աֆղանստանի հյուսիս-արևելքում։
Ընդհանուր առմամբ, ըստ Տաջիկստանի հետախուզական ծառայության տվյալների, Աֆղանստանի հյուսիս-արևելյան նահանգներում ՀԱՊԿ-ի հարավային սահմաններին սահմանակից ահաբեկիչների համար ճամբարների և ուսումնական կենտրոնների թիվը կազմում է ավելի քան 40, իսկ նրանց թվային ուժը հասնում է ավելի քան 6 հազար գրոհայինի: Այս մասին նախագահն ասել է Ղազախստանում տիրող իրավիճակին նվիրված արտահերթ գագաթնաժողովում, որը տեղի է ունեցել երկուշաբթի առցանց։
Ռահմոնի խոսքով, իրավիճակը տաջիկ-աֆղանական սահմանին օրեցօր ավելի է բարդանում, մարտերը հենց թալիբների միջև ընթանում են հենց սահմանի երկայնքով։ Նա ընդգծել է, որ Աֆղանստանում միջազգային ահաբեկչական խմբավորումների ակտիվությունն ուղղակիորեն ազդում է ՀԱՊԿ հավաքական անվտանգության գոտու վրա։