Ռուսաստանի նախագահ Վլադիմիր Պուտինը մի քանի միջազգային հեռախոսազրույց կունենա ապրիլի 1-ին, այդ թվում՝ Թուրքիայի առաջնորդ Թայիփ Էրդողանի հետ։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

«Այսօր Պուտինը մի քանի միջազգային հեռախոսազրույց ունի, որոնցից մեկի մասին արդեն հայտնել են Անկարայում մեր գործընկերները, դա կլինի Էրդողանի հետ, մենք հաստատում ենք»,- ասել է Պեսկովը։

Ռուսաստանի Դաշնության նախագահը գրեթե ամեն օր հեռախոսազրույցներ է ունենում արտասահմանյան երկրների ղեկավարների և օտարերկրյա քաղաքական գործիչների հետ։ Նախօրեին նա զրույցներ է ունեցել Նորվեգիայի վարչապետ Յոնաս Գահր Ստյորեի, ինչպես նաև Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ։

220