Հունիսի 13-ին` ժամը 17:45-ին, Արցախի ներքին գործերի նախարարության արտակարգ իրավիճակների պետական ծառայության ճգնաժամային կառավարման կենտրոնում, միաժամանակ Ոստիկանության հերթապահ մասում, հաղորդում է ստացվել, որ Ստեփանակերտ քաղաքի Փետրվարի 20-ի փողոցում՝ Ազատամարտիկների անվան այգու հարևանությամբ գտնվող կիսակառույց շինության տանիքից անհայտ անձը փորձում է իրեն ցած նետել: ԱԻՊԾ-ը հայտնում է, որ տնօրեն Մեխակ Արզումանյանի և Ոստիկանության պետ Արտյոմ Հարությունյանի գլխավորությամբ, անմիջապես դեպքի վայր են մեկնել ՆԳՆ ծառայողները: Պարզվել է, որ նույն օրը ժամը 17:45-ի սահմաններում, Ստեփանակերտ քաղաքի բնակիչ Գ. Պ.-ն (ծնված 1993թ.) ֆինանսական խնդիրներով պայմանավորված, գտնվելով հոգեկան ապրումների մեջ, ինքնասպանություն գործելու նպատակով նշված կիսակառույց շինության տանիքում՝ ածելիով ձախ ձեռքի նախաբազկի շրջանում երակները կտրելու եղանակով ինքնասպանության փորձ է կատարել և փորձել է ցած նետվել բարձրությունից: Վերջինիս հետ տարված բացատրական աշխատանքներից հետո՝ ինքնասպանության փորձը կանխվել է: Նշանակվել է դատաբժշկական փորձաքննություն: Ստուգմամբ զբաղվում է ոստիկանության Ստեփանակերտ քաղաքի վարչությունը: 

425