Երևանում 2023 թ.-ին ծանրամարտի Եվրոպայի առաջնության անցկացման աշխատանքների կազմակերպման համար վարչապետի որոշմամբ հանձնաժողով է ստեղծվել

Վարչապետ Նիկոլ Փաշինյանը հունիսի 16-ին որոշում է ստորագրել, որում ասվում է․

«Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով՝

1. 2023 թվականին Երևան քաղաքում ծանրամարտի Եվրոպայի առաջնության անցկացման աշխատանքների նախապատրաստման և կազմակերպման նպատակով ստեղծել միջգերատեսչական հանձնաժողով և հաստատել դրա կազմը` համաձայն հավելվածի»։

Երևան քաղաքում ծանրամարտի Եվրոպայի 2023թ․առաջնության անցկացման աշխատանքների նախապատրաստման և կազմակերպման միջգերատեսչական հանձնաժողով կազմ

ՀՀ վարչապետի աշխատակազմի ղեկավար, հանձնաժողովի նախագահ
Երևանի քաղաքապետ (համաձայնությամբ),
ՀՀ կրթության, գիտության, մշակույթի և սպորտի նախարարի համապատասխան ոլորտը համակարգող տեղակալ,
Երևանի քաղաքապետի տեղակալ,
ՀՀ քաղաքաշինության կոմիտեի նախագահի տեղակալ,
ՀՀ ազգային անվտանգության ծառայության տնօրենի տեղակալ,
ՀՀ վարչապետի աշխատակազմի սփյուռքի գործերի գլխավոր հանձնակատարի գրասենյակի ղեկավարի տեղակալ,
ՀՀ վարչապետի աշխատակազմի ղեկավարի օգնական Սուրեն Հովհաննիսյան,
ՀՀ վարչապետի աշխատակազմի ղեկավարի օգնական Հովհաննես Պողոսյան,
ՀՀ արտաքին գործերի նախարարության հյուպատոսության վարչության պետ,
ՀՀ էկոնոմիկայի նախարարության տուրիզմի վարչության պետ,
ՀՀ ոստիկանության հասարակական անվտանգության ապահովման գլխավոր վարչության պետ, հասարակական կարգի ապահովման վարչության պետ, ոստիկանության գնդապետ,
ՀՀ տարածքային կառավարման և ենթակառուցվածքների նախարարության քաղաքացիական ավիացիայի կոմիտեի ավիացիոն անվտանգության վարչության պետի տեղակալ։