Երևանի քաղաքապետ Հրաչյա Սարգսյանը «Կանաչապատում և շրջակա միջավայրի պահպանություն» ՀՈԱԿ-ի աշխատակազմին է ներկայացրել նորանշանակ տնօրեն Արմեն Բեգոյանին:

Այս մասին տեղեկացնում է ՀՈԱԿ-ի ֆեյսբուքյան էջը։

Կարևորելով մայրաքաղաքում կանաչապատ տարածքների պահպանումն ու ավելացումը՝ քաղաքապետը հույս է հայտնել, որ կարճ ժամանակահատվածում զգալի փոփոխությունները տեսանելի կլինեն:

Նորանշանակ տնօրեն Արմեն Բեգոյանն էլ հավաստիացրել է, որ կանաչապատման ոլորտում կլինեն նոր մոտեցումներ՝ արդիական լուծումներից մինչև ֆունկցիոնալ կանաչապատում:

Նշենք, որ «Կանաչապատում եւ շրջակա միջավայրի պահպանություն» ՀՈԱԿ-ի տնօրենի պաշտոնի համար մրցույթը կայացել էր հունիսի 16-ին։

125