Ութ բուժաշխատող Արգենտինայում կկանգնի դատարանի առաջ՝ կապված 1986 թվականի ֆուտբոլի աշխարհի չեմպիոն Դիեգո Մարադոնայի դաժան սպանության հետ, հայտնում է AFP-ն՝ վկայակոչելով Սան Իսիդրո դատարանի հայտարարությունը։
Արգենտինայի հավաքականի նախկին ավագին խնամելու անփութության հետևանքով դատարանի առաջ կկանգնեն նյարդավիրաբույժը և Մարադոնայի ընտանեկան բժիշկը, կլինիկայի բժիշկը, հոգեբույժը, հոգեբանը, գլխավոր բուժքույրը և կարգապահները: Նրանց սպառնում է 8-ից 25 տարվա ազատազրկում։ Դատավարության օրը դեռ նշանակված չէ։
Ավելի վաղ դատախազությունը հայտնել էր, որ Մարադոնայի առողջության համար պատասխանատու ութ բուժաշխատողներ ցուցաբերել են անփութություն, նրան թողել են առանց օգնության և թողել «ճակատագրի բախտին»։ Ըստ դատախազության՝ ամբաստանյալները «տանը աննախադեպ, միանգամայն ոչ ադեկվատ ու անխոհեմ վերաբերմունքի նախաձեռնողներն են եղել» և բուժման ընթացքում իբր իմպրովիզացիայով են զբաղվել։
2021 թվականի ապրիլին Մարադոնայի մահը հետաքննելու համար ստեղծված բժշկական փորձագիտական հանձնաժողովը զեկույց է պատրաստել՝ ուղարկելու դատական համակարգ։ Զեկույցում Մարադոնայի համար պատասխանատու բժշկական խմբի գործողությունները ոչ ադեկվատ, անբավարար և անզգույշ են ճանաչվել։ Հանձնաժողովի տվյալներով՝ Մարադոնային չի տրամադրվել անհրաժեշտ խնամք և բուժում, ինչը կարող է հանգեցնել մահվան։ Բացի այդ, բժիշկները պարզել են նախկին ֆուտբոլիստի մահվան ստույգ ժամը՝ նրան վերակենդանացնելու փորձի ժամանակ նա մի քանի ժամ մահացած է եղել։
Մարադոնան մահացել է 2020 թվականի նոյեմբերի 20-ին 60 տարեկան հասակում։