Բրիտանական հեռարձակող կորպորացիայի տնօրենների խորհրդի նախագահ Ռիչարդ Շարփը հրաժարական է տվել՝ նախկին վարչապետ Ջոնսոնի պաշտոնում նշանակվելու հետ կապված սկանդալի պատճառով։
Փաստաբան Ադամ Հեփինստոլը, որը հետաքննել է Շարփի նշանակման հանգամանքները 2020 թվականին, եզրակացրել է, որ նա խախտել է «պետական պաշտոնի նշանակման օրենսգիրքը», ասվում է հրապարակման մեջ։
Ավելի վաղ The Sunday Times-ը հայտնել էր, որ Շարփը ներգրավված էր 2020 թվականի վերջին՝ այն ժամանակվա վարչապետ Բորիս Ջոնսոնի համար 800,000 ֆունտ ստեռլինգ վարկի երաշխավոր փնտրելով: Դրա պատճառ են դարձել Ջոնսոնի ֆինանսական մեծ ծախսերը՝ հաշվի առնելով նրա ամուսնալուծությունները, երեխաներին աջակցելու անհրաժեշտությունը, ինչպես նաև Դաունինգ Սթրիթում գտնվող գրասենյակը վերանորոգելը։ Կարճ ժամանակ անց Շարփը նշանակվեց BBC-ի Կառավարիչների խորհրդի նախագահ։
Ռիչարդ Սայմոն Շարփը զբաղեցրել է BBC-ի նախագահի պաշտոնը 2021 թվականի փետրվարին։ Մինչ այդ նա երկար տարիներ աշխատել է բանկային ոլորտում՝ JP Morgan-ում և Goldman Sachs-ում։ Վերջինում նա կարճ ժամանակում եղել է Մեծ Բրիտանիայի ներկայիս վարչապետ Ռիշի Սունակի շեֆը։
Բացի այդ, Շարփը ծառայում էր որպես Բորիս Ջոնսոնի խորհրդական, երբ նա Լոնդոնի քաղաքապետն էր: