Բաժանորդագրվեք araratnews-ի տելեգրամ ալիքին։
Ռուսական կողմը ուշադիր հետևում է ԱՄՆ նախագահ Դոնալդ Թրամփի բոլոր հայտարարություններին, ասել է պետության ղեկավարի մամուլի քարտուղար Դմիտրի Պեսկովը:
Այսպես է նա մեկնաբանել Թրամփի խոսքերը, որն ասել է, որ դժգոհ է Վլադիմիր Պուտինի հետ ունեցած զրույցից։ Ամերիկացի առաջնորդի խոսքով՝ իրեն չի հաջողվել «որևէ առաջընթացի» հասնել Ուկրաինայի հարցում։
«Իհարկե, մենք ուշադիր հետևում ենք նախագահ Թրամփի բոլոր հայտարարություններին։ Զրույցի ընթացքում նախագահ Պուտինը կրկնել է, որ մենք հետաքրքրված ենք մեր նպատակներին հասնելուն, ցանկալի է դա անել քաղաքական և դիվանագիտական միջոցներով, բայց քանի դեռ դա հնարավոր չէ, մենք շարունակում ենք մեր հատուկ գործողությունը։ Նախագահը նաև տեղեկացրել է իր գործընկերոջը, որ մենք սպասում ենք ուղիղ բանակցությունների երրորդ փուլի ամսաթվերի համաձայնեցմանը»,- ասել է Պեսկովը։