Բաժանորդագրվեք araratnews-ի տելեգրամ ալիքին։
Երևանի քաղաքապետարանը մեկնարկում է նոր սոցիալական նախաձեռնություն 10-15 տարեկան կենդանասերների համար, ովքեր բնակվում են Երևանում:
Այս մասին հայտնում են Երևանի քաղաքապետարանից՝ նշելով, որ ծրագրի մասնակիցը դառնալու և գրանցվելու համար ցանկացողները կարող են զանգահարել 1-05 հեռախոսահամարով և այցելել «Կենդանիների խնամքի կենտրոն», որտեղ կարող են խնամել կենտրոնում ապրող շներին, խաղալ նրանց հետ, ինչպես նաև ցանկության դեպքում՝ դառնալ խնամակալ:
«Կենդանիների հետ վարքի ճիշտ կանոնները մեզ հնարավորություն են տալիս միջավայրում լինել առավել պաշտպանված և ավելի պատասխանատու՝ շրջակա միջավարի նկատմամբ: Հենց այս նպատակով էլ Երևանի քաղաքպետարանը սկսում է այս նոր նախաձեռնությունը»-նշում է «Կենդանիների խնամքի կենտրոն» ՀՈԱԿ-ի տնօրեն Հարություն Առաքելյանը: