Բաժանորդագրվեք araratnews-ի տելեգրամ ալիքին։
Հայկական կինոյի հանրահռչակման շրջանակներում Քրեակատարողական ծառայության և Հայաստանի կինոյի հիմնադրամի համագործակցությամբ շարունակվում են հիմնադրամի այցերը տարբեր քրեակատարողական հիմնարկներ։
ԱՆ քրեակատարողական ծառայությունից տեղեկացնում են, որ այս անգամ կինոցուցադրություն էր կազմակերպվել «Արթիկ» քրեակատարողական հիմնարկում։ Ազատազրկված անձինք դիտել են ռեժիսոր Հրաչ Քեշիշյանի «Thank you, հայրիկ» լիրիկական կատակերգությունը։ Ֆիլմի սցենարի հեղինակներն են Միքայել Պողոսյանը և Վիգեն Ստեփանյանը։
Ցուցադրությունից առաջ հիմնադրամի ներկայացուցիչ Լիլիթ Գևորգյանը խոսել է ֆիլմի մասին, հետաքրքիր դրվագներ պատմել նկարահանումների ընթացքից, ավարտին ազատազրկված անձինք ակտիվ քննարկում են ունեցել Լիլիթ Գևորգյանի հետ՝ արտահայտելով իրենց տրամադրություններն ու տպավորությունները։