Բաժանորդագրվեք araratnews-ի  տելեգրամ ալիքին։

Ռուսաստանի Դաշնությունն աջակցում է Հայաստանին «Թրամփի ուղու» հարցում, եթե դա Հայաստանի համար լավ է, ասել է փոխվարչապետ Ալեքսեյ Օվերչուկը։

«Մենք քննարկում ենք այս հարցը։ Հայաստանը մեր ռազմավարական դաշնակիցն է և եթե կարծում է, որ ինչ-որ բան լավ է իր համար, իհարկե, մենք աջակցում ենք դրան», - լրագրողներին ասել է Օվերչուկը՝ պատասխանելով «Թրամփի ուղու» իրականացման վերաբերյալ հարցին։

Նա ընդգծել է, որ Ռուսաստանն աջակցում է Հարավային Կովկասում խաղաղության գործընթացներին, որոնք լիովին համապատասխանում են իր շահերին։

«Իհարկե, այն համաձայնությունների շրջանակներում, որոնց կարելի է հասնել, առաջանում են որոշ նրբերանգներ, որոնք մենք պետք է պարզաբանենք հայկական և ադրբեջանական կողմերի հետ», - հավելել է Օվերչուկը։