Բաժանորդագրվեք araratnews-ի  տելեգրամ ալիքին։

Քրեակատարողական ծառայության կենտրոնական մարմնի ուղեկցումների բաժնի և «Արմավիր» քրեակատարողական հիմնարկի ծառայողները խուզարկության են ենթարկել «Արմավիր» քրեակատարողական հիմնարկից «Արթիկ» քրեակատարողական հիմնարկ տեղափոխվող օտարերկրացի ազատազրկված անձանց։ Այդ մասին հայտնում են  ՀՀ Արդարադատության նախարարության Քրեակատարողական ծառայությունից:

Խուզարկությամբ վերջիններիս անձնական իրերի միջից հայտնաբերվել են թմրամիջոցի նմանվող, 18,31 գրամ քաշով, դեղնականաչավուն, բուսական զանգված, 2 բջջային հեռախոս և 3 ականջակալ։  

Դեպքերի առթիվ ձեռնարկվել են համապատասխան միջոցներ։ Հայտնաբերված զանգվածն ուղարկվել է ՀՀ ՔԿ Արմավիրի մարզային քննչական վարչության Վաղարշապատի քննչական բաժին։