Բաժանորդագրվեք araratnews-ի տելեգրամ ալիքին։
ԱՄՆ նախագահ Դոնալդ Թրամփը կարծում է, որ Ուկրաինայի հակամարտության կարգավորման համար անհրաժեշտ չէ, որ Վլադիմիր Պուտինը և Վլադիմիր Զելենսկին համատեղ ստորագրեն փաստաթղթեր։
«Պետք չէ, որ նրանք նույն սենյակում լինեն։ Ես կարծում եմ, որ նրանք կարող են դա կազմակերպել այլ կերպ»,- ասել է ամերիկացի առաջնորդը՝ պատասխանելով Սպիտակ տանը լրագրողների հարցերին։
«Ինձ համար միևնույն է, թե ինչպես է դա արվում»,- հավելել է նա։
Նա նաև շեշտել է, որ ուկրաինացի ժողովուրդը, հավանաբար, չի հանդուրժի հետագա ռազմական գործողությունները, ուստի Վլադիմիր Զելենսկին պետք է համաձայնության գա։
Թրամփը շեշտել է, որ եվրոպական երկրների և Միացյալ Նահանգների բնակիչները հոգնել են Ուկրաինայում տիրող հակամարտությունից։
«Եվրամիությունը բավականին շատ գումար ունի, չնայած պետք է ասեմ, որ նրանք հոգնել են դրանք ծախսելուց»,- ասել է պետության ղեկավարը՝ պատասխանելով Սպիտակ տանը լրագրողների հարցերին։