Բաժանորդագրվեք araratnews-ի տելեգրամ ալիքին։
Հոկտեմբերի 18-ին վիճաբանություն-ծեծկռտուք է տեղի ունեցել Կոտայքի մարզում։
Ժամը 18:10-ի սահմաններում անհայտ քաղաքացին ահազանգել է ՀՀ ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժին և հայտնել, որ Աբովյան քաղաքում հայտնի «Բենզինների խաչմերուկում» վիճաբանություն-ծեծկռտուք է տեղի ունենում։
Ինչպես հայտնում է Տhamshyan.com-ը, «Աբովյան» բժշկական կենտրոնից ահազանգ է ստացվում ոստիկանության Կոտայքի բաժին, որ «գուտ հարցական գլխուղեղի ցնցում հարցական, գլխի դեմքի փափուկ հյուսվածքների սալջարդ քթի կոտրվածք և քերծվածքներով» իրենց մոտ բուժօգնության է տեղափոխվել մի քաղաքացի։
Հիվանդանոց մեկնած համայնքային ոստիկանները պարզել են, որ վիրավորը Կոտայքի մարզի բնակիչ 20-ամյա Արամ Հ.-ն է։
Մինչ բժիշկները անհրաժեշտ բուժօգնություն էին ցուցաբերում վիրավորին, ոստիկանության Կոտայքի բաժնի ծառայողները պարզել են, որ Արամ Հ.-ին մարմնական վնասվածքներ են պատճառել Կոտայքի մարզի բնակիչներ 16-ամյա Տ. Մ.-ն և 17-ամյա Ա. Ա.-ն։
Համայնքային ոստիկանները ձեռնարկում են անհրաժեշտ միջոցառումներ Տ. Մ.-ն և Ա․ Ա․-ին հայտնաբերելու ուղղությամբ։
Դեպքի փաստով ոստիկանության Կոտայքի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին։