Տաշքենդում շարունակվում է ծանրամարտի երիտասարդական աշխարհի առաջնությունը:
Մրցահարթակ էին դուրս եկել 96 կգ քաշային տղաները:
Հայաստանը այս քաշային կարգում ներկայացնում էր Գարիկ Կարապետյանը, ով փայլուն հանդես եկավ և դարձավ աշխարհի չեմպիոն: Առաջին վարժությունում Գարիկը հաջող է իրացրել իր բոլոր մոտեցումները:
Գարիկը սանձեց 155, 158 և 162 կգ կշռող ծանրաձողերը և ընդամենը 1 կգ զիջեց ՌԴ-ն ներկայացնող հայազգի ծանրորդ Արթուր Բաբայանին: Սակայն հրում վարժությունում Գարիկը հաղթեց Բաբայանին, հաջորդաբար բարձրացնելով՝ 188 և 193 կիլոգրամանոց ծանրաձողերը: Երրորդ մոտեցման անհրաժեշտություն չեղավ: Երկամարտի արդյունքով Գարիկը նվաճեց մեծ ոսկե և երկու փոքր արծաթե մեդալ:
Նշենք, որ Գարիկ Կարապեյանը անվանի գյումրեցի ծանրորդ Ալեքսան Կարապետյանի որդին է:
Հիշեցնենք, որ այսօր ավելի վաղ աշխարհի չեմպիոն էր դարձել Լիանա Գյուրջյանը: